Wim woord, as echten Tegelse op 1 maart 2006 lid van Venloos Mannekoër de Meulezengers via ziene vrind Piet. En auk net as dae makde Wim deil oët van ‘de hiëre’ basse. Wim waas ein trouw lid met ein werme, sociale en inspirerende persüünlikheid. Wim deej alles good euverwaoge. Auk wie hae zich in 2011 bedankde as lid van ut koër. Det hae gelökkig in 2013 zich weer aansloot had hae auk good euverwaoge.
Door Wim zien karakter hadde we met um eine prima veurzitter van os jubileumcommissie beej ut 25 jäörig bestaon van ut koër in 2018. Ut concert woort ein daverend succes. Beej ut 30 jäörig bestaon haet Wim opniej de ker getrokke beej ut concert in samenwerking met Volkstheater Frans Boermans, ein verniejende, maar zeker auk geslaagde veurstelling.
Wie Wim aafscheid noom van ut onderwiës op 21 mei 2024 woord um nog een serenade gebrach. In die jaore waas Wim al krank, maar bezoch nog geregeld de rippetitie en beejeinkomste.
Dinsdaag zulle auk weej as koër op gepaste wieze aafscheid neeme van ozze vrind en zenger Wim.
Weej winse Elsa, kinder en vaerdere femilie hiël vüül sterkte um dit verlaer ein plaetske te gaeve.