Ôzze Piet Peters euverleeje.
Piet, ald kastelein van Eugenia en muzikant beej de joekskepel van VOS, kwaam in 2005 as lid beej ôs koër. Hae zong as twieëde tenor en waas altiëd van de partie. Piet heel van gezelligheid en waas auk beej alle andere activiteite altiëd present. Ut enige waat um daorbeej hinderde waas zien gezondheid, steeds dökker loog hae in de lappemand. Piet waas neet klein te kriege en houwde zich euveral doorhaer en bleef veural geneete. Dankzij zien Mieke, det um dök haolde en brach of in 'coronatiëd' zörgde det Piet via de laptop de 'zoomrepetities' kos meidoon. Wao ut koër veurroët ging, ging ut met um jaomergenoch achteroet. In 2023 is hae gestop met meizinge, maar bleef os trouw bezeuke, leefs onder ut genot van ein glaeske beer. Zellufs os jubileumconcert, april jl, waas hae dao. Nao eine val belande hae via ut ziekehoës in ut hospice, wao hae vriedaag 14 juni röstig is ingeslaope.
Eine Meulezenger met vüül gezelligheid en doorzettingsvermeuge haet os jaomergenoch verlaote.
Zaoterdaag zulle weej beej zien aafschied van ôs laote huure.