« Terug naar overzicht

Ceciliafeest 2017

Een dag op stap met de Meulezengers: Ceciliaviering 2017

In ut deepste geheim woort door de 1-ste tenore ein idee oëtgewerk, waobeej volgens ein alde tradisie gezonge mot waere, maar auk vuuël plezeer gemak deent te waere. Det zinge waas al in de maond fibberewarie geregeld: aafgespraoke woort det weej um 11 oor de H.Mis ginge opluustere in de H.Familiekerk. Waat daornao ging gebeure meus veur idderein meugelik ziën!  Ideeën woorte geneump,  oëtgewerk en allerlei aafspraoke woorte gemak. Zoë kreeg ut Ceciliafees steeds miër vorm en inhald. En alsof det neet al werk genog waas, vroog Carol mich auk nog um daoreuver te gaon schriëve.

Laot maar gaon, godje....

Um 11 oor zonge weej in ein good gevölde H.Familiekerk ein aantal van os befaamde kerkleedjes:  Boedy Imja, Gospody, Tibie Pojem, Otsche Naschj. Tell me why en Song of Peace.  Nao de mis  fietste alle Meulezengers richting Velden en kwaame in ut Meulehonk terecht, wao ut lekker werrum waas (???), de koffiegeur hing en de gesmeerde bruüdjes al klaor stonde! (verzörg door inkele dames).

Ein klein eurke later fietste diezellefde Meulezengers met frisse taegezin weer truük richting Venlo en kwaame tot eur verbazing in de Maagdenberg terech, wao zeej de res van d'n daag auk zouwe blieve. Noa ein welkomsweurdje kreeg iddere Meulezenger 4 munte oëtgereik, waomeij d'n ierste dors geles kos waere.  Vaerdere munte meuste  zelluf aangeschaf waere.
Oëtgelag woort auk det vanmiddaag  d'n enige echte De Slumste -Meulezenger-Quiz
plaats ging vinde o.l.v. den hiër Hans Jacobs. De organisasie waas nl. van meining det ein  mannekoër oët Groët – Venlo det aan meus kinne!!! Gespeuld woort in  twiëjtalle, die met vuuël geveul waare saamegesteld: eine diëke met ein tochlat, eine lange met ein onderdeur, eine slumme met eine stomme achtereuver, eine ras-Venlonaer met eine geïmporteerde, ein hoëge stum en eine zonder stum, enz. Die duo's meuste eure eige naam verzinne: b.v. De  Klooke Jonges, Druppelaers, de Baokbokse en mië van der moëis.

Aafgespraoke woort twiej kiër 3/4 oor te speule, met ein kleppauze tössedoor. In dae quiz woort ozze kinnes euver allerlei Venlose onderwerpe gevraog:  Vastelaovendleedjes raoije,Venlose oëtdrunkinge make in eine good laupend zin! Inkele hoëgtepunte heejoët:
-Ein man haet noëits op zölder ein zevende vrouw,
-Ein vrouw kump noëits 7 x klaor op de man zien zölder,   
-Eine man haet noëits miër ein zevende vrouw op zölder,                   
-Ein man met 7 vrouwe sluuëp op de zölder.    

Mot ziën: Ein vrouw haet 7 zölders en op de 7 de kump dae man noëits op. 

Auk meuste de Meulezengers eur teikentalent laote zeen: Wiej zuuët unne Petattekop, ein Floetsmedemke, eine neksfieter, enz. d'r oët. Ein moeije seleksie hink in os Meulehonk en wuuërt per opbod verkoch.......

Ut volgende spel hoot: waord ritse:  knap........................ouwe  (zak).
Ut letste onderdeil van de Quiz waas waal ut luidruchtigste : van ellek duo meus d'r eine
veur in de zaal ein Vastelaovendleedje zinge of oëtbeelde. D'n andere meus oët al det geblèr zoëvuuël meugelik leedjes notere, Det veel neet meij!
 
Op ut ind woorte de winnaers van de 1ste priës en de poedelpriës bekindgemak: Op de 1ste plaats eindigde ut duo: de Geïmporteerden en de letste plaats waas veur 2 duo's, waorvan ik de naame bin vergaete...... De gewonne fles joeg meuste ze maar deile.....
In ut Kefee woort daonao nog duchtig gezonge en geklep!!!!!!!!   
 
Um 6 oor woort d'r in de aetzaal de specialiteit van de Maagdenberg (waereldbereump in de ganse Wien): Zwarte  Kiëp met friet of  riës. Wiej weej det waal gewind ziën van de Meulezengers:   ZEEJ VEELE AAN WIEJ DE MIËUWE.................
Maar det kos gerös: d'r waas aete genog en idderein haet ziëne melis good vol gegaete.

Geteikend: H.R. Oët ut Ven.