Unne gas maond geleeje vroog ózze webmaster  mich of hae  mich unne kièr ein interview meugde aafneeme.  Bescheide wie ik bin, heb ik  jao gezag. En toen begos dae lange tiėd van wachte.......... Ik heb aevel op einen aos gehouwd!!!!  Now kós ik mich diek gaon maake euver óngelagde eier of zelluf iets oèt d'n aek dreije............Det letste heb ik now gedaon:

Ein jaor of 10 geleeje, precies weit ik ut al neet  mier, kwaam Jan Fleuren beej ein teske kòffie met ut idee  um ens unne kier te kómme luustere beej de Meulezengers in de Greunstraot. Ik had noow tog waat tièd euver, want ik waas pas gestop met  ut speule van competitie-volleybal en ut trainen van zitvolleyballers beej Civitas.  Ik heb aevel altiéd gezag, det ik pas beej ein koeér  zoel gaon, as ik ald waas!!!  Zinge kós ik waal, want ik had ein jaorelange ervaring as koeërknaap beej ut Martinuskoeér, wao ik minnige H.mis gezonge heb en dök heb meijgelaupe in de processie door Venlo.

Dus laot gaon Godje: Ik op d'n ièrsvolgende donderdaag nao de Greunstraot. Ik wis neet wat mich euverkwaam: ut waas net of ik bedek woort met ein werme daeke!!!  Ik ging beej de Meulezengers en ik hoort d'r metein gans beej.  De kunst waas um aom zat te hebbe, netuurlik veur ut repeteere, maar zeker veur de 3^de helluf, waobeej auk nog vollop gezonge woort.

Ik wil nog efkes ein paar hoeëgtepunte neume oët miene tiëd beej de Meulezengers:

Op de iërste plaats dink ik dan tog aan de Kerstmisse in ein stampvolle H.Hartkerk.

Wao ik nog altiëd kiëpevel van krieg is ós oétstepke nao Maastricht, waobeej weej 's aoves op ut O.L.Vrouweplein ein aopeluchtconcert weggoove met ozze euverleeje Hans Arts en zien gitaar.

Ein bezeuk aan de Brouwerie van de Lindeboom in Neer is ein belaefenis op zich: vueël kleppe, vueël zinge aan d'n tap en vueël aete, want Boeddha verzörgde toen ein ganse riëstaofel!

De Meulezengers staon bekind um ut feit, dat zeej d'r zien beej leef en leid. Det heb ik persuunlijk ervaare beej ut euverleije van mien mam in 2002. Dich bels eemus van ut koeër op en zeej zien d'r. Geweldig gewoën!

Waat ik auk grandioos vond waas ós jubileumreis nao Antwerpen. Waat hebbe weej dao vueël plezeer gehad.

Waat ik zeker auk  heejbeej wil vermelde is ut bouwe van os eige Meulehonk in Velden, waobeej ein aantal kertrekkers eur schouwers onder ut karwei haet gezatte en waobeej ik zellef met vueël plezeer ein bescheiden beejdraage heb geleverd. Good veur ut Meulezengersgeveul!!!!

Det waare zoë ein paar zaake wao ik noow aan dink. Ik gaon in idder geval elke donderdaagaovend met plezeer nao de repetitie . Aafgelaupe jaor hoort ik zelfs beej die leeje die lang nao de repetitie in ut Meulehonk bleeve plekke (met dank aan miene werkgaever, dae aevel beslaote haet, det dit volgend jaor aafgelaupe mot zien!)

Herm Roebbers.